Ponte Prizreni ka triumfuar ndaj Trepçës me rezultat 56:69 (13:14, 10:15, 16:22, 17:18), në kuadër të xhiros së shtatë të Prince Caffe Superligës.
Çereku i parë i kësaj sfide ishte i barabartë dhe këtë e dëshmon edhe rezultati 13:14 për mysafirët. Skuadra prizrenase ishte më e mirë në periudhën e dytë, që e fitoi 10:15, duke shkuar në pushim 23:29.
Mysafirët ishin më të mirë edhe në periodën e tretë 16:22, derisa shifrat në semafor pas 30 minutash ishin 39:51. 10 minutat e fundit ishin të barabartë 17:18 dhe Ponte Prizreni triumfoi në fund 56:69.
Te Trepça më të dalluarit ishin Besnik Azemi me 14 pikë e tetë kërcime dhe Mojeed Ewuosho me 12 pikë e gjashtë kërcime, kurse te Ponte Prizreni më i miri ishte Xavier Cannefax me 24 pikë e pesë kërcime.
Trepça ka dy fitore dhe pesë humbje, kurse Ponte Prizreni katër fitore dhe tri humbje.
