Në fundjavë do të zhvillohet xhiroja e tretë dhe e katërt në Junior NBA Kosova.
Takime interesante do të zhvillohen në Prishtinë, Ferizaj, Vushtrri, Pejë dhe Prizren.
Në këtë ligë garojnë fëmijët e gjeneratës 2009-2011, djem dhe vajza. Në dy xhirot e para kishte ndeshje mjaft interesante dhe kështu pritet edhe në xhirot e ardhshme.
30 Shkolla Fillore janë ndarë në dy Konferenca apo gjashtë Divizione, varësisht nga regjioni ku janë. Tetë më të mirat, ashtu si në NBA, kualifikohen në “Play-off” dhe më pas organizohet Final 4, ku shpallet skuadra kampione.
Kjo është hera e parë që organizohet një ligë e tillë. Ky është një projekt madhor i Federatës së Basketbollit të Kosovës (FBK), që ka për qëllim masivizimin e basketbollit te gjeneratat e reja, në konkurrencën e femrave dhe atë të meshkujve.
