Ka startuar sot sezoni 2022-2023 në basketboll për femra, teksa në Tiranë e Elbasan janë luajtur dy nga tri takimet e javës së parë.
Kampionet e Flamurtarit arritën një fitore të lehtë me rezultatin 80-52 ndaj Studentit në “Asllan Rusi”. Një ndeshje e dominuar nga mikeshat nga Vlora, ku u dalluan Ikete me 29 pikë e Omerbasic me 27 pikë, dy nga katër basketbollistet e huaja që luajnë për Flamurtarin.
Në Elbasan, ekipi mik i Partizani fitoi 102-50 ndaj skuadrës vendase. Edhe kjo ndeshje nuk pati histori, pasi ui dominua gjatë gjithë kohës nga basketbollistet e “kuqe”. Shënueset më të mira për Partizanin ishin Fekollari e Jace me 17 pikë secila.
Kategoria e Parë-Femra, java e parë
Elbasani – Partizani, 50-102
Studenti – Flamurtari, 52-80
Tirana – Barleti Basket, 9 tetor
Vllaznia (pushim)
Renditja: Flamurtari 2 pikë, Partizani 2 pikë, Elbasani 1 pikë, Studenti 1 pikë, Vllaznia 0 pikë, Tirana 0 pikë, Barleti Basket 0 pikë.
