Betejë e fortë për kreun e renditjes në Konferencën e Lindjes mes Boston dhe Milwaukee, të dyja fituese në ndeshjet e luajtura sot. Boston mundi 111-99 Detroit, sfidë ku u dallua Jayson Tatum, autor i 34 pikëve e 11 rebound.
Ndërsa Milwaukee, falë 27 pikëve të Lopez e 24 pikëve e 13 rebound të Antetokounmpo, mundi 127-108 Portland.
Fitore të rëndësishme për zonën play off korri ekipi i Clippers, që mundi 124-116 Brooklyn jashtë fushe. Paul George me 29 pikë e Leonard me 24 bënë diferëncën për miqtë , ndërsa 47 pikët e Cam Thomas mbetën për statistikë.
Skuadra e Chicago mundi 128-104 San Antonio, ndeshje ku u dalluan Vucevic me 22 pikë e Drummond me 21 pikë e 15 rebound.
Një ndeshje të mirë zhvilloi edhe Dallas, që falë Green e Hardy, me nga 29 pikë secili, mundi 124-111 Utah Jazz (Clarkson 26 pikë).
Ekipi kampion i Golden State mposhti 141-113 Oklahoma, ndeshje ku shkëlqeu Klay Thompson me 42 pikë, autor i 12 gjuajtjeve të sakta për tri pikë. Pa probleme fiton Sacramento, që mundi 140-120 Houston, ndeshje ku u dallua Murray me 30 pikë.
NBA – Rezultatet e sotme
Detroit – Boston, 99-111
Washington – Cleveland, 91-114
Brooklyn – Clippers, 116-124
Chicago – San Antonio, 128-104
Houston – Sacramento, 120-140
Utah Jazz – Dallas, 111-124
Golden State – Oklahoma, 141-114
Portland – Milwaukee, 108-127
