Z Mobile Prishtina demoloi kampionin, fitoi Superkupën - Bota Sot
Z Mobile Prishtina demoloi kampionin, fitoi Superkupën

Basketboll

Z Mobile Prishtina demoloi kampionin, fitoi Superkupën

Nga: Kemajl Goca Më: 16 shtator 2018 Në ora: 18:48
Z Mobile Prishtina

Z Mobile Prishtina pa vështirësi e mundi me rezultat 88:50 (27:7, 24:16, 12:14, 25:13) kampionin në fuqi, Bashkimin nga Prizreni, në ndeshjen që e Superkupës së Kosovës, që u zhvillua në Qendrën e Rinisë dhe të Sportit në Prishtinë. Prishtina është fitues e Superkupës së Kosovës, ndërsa Bashkimi as që kishte forcë ta evitoi disfatën e thellë. Aj Davis me bashkëlojtarë administruan lojën me lehtësi dhe sa kalonin minutat edhe thellonin fitoren.

Në dhjetë e minutat e parë Prishtina avancoi me 20 pikë dallim (27:7), kjo vetëm konfirmoi se nuk do të ketë rival të denjë! Çereku i dytë dhe i tretë, ishin deri diku me rivalitet, por Z Mobile Prishtina luante me komoditet, pasi kishte epërsinë e thellë dhe në asnjë moment nuk iu rrezikua fitorja.

Në çerekun e fundit, bardhekaltrit luanin me qetësi, kurse Bashkimi ishte i dorëzuar. Aj Davis me 18 pikë ka qenë më efikasi në radhët e Prishtinës, i ndihmuar nga Valon Bunjaku 14 e Alban Veseli 12, ndërsa në radhët e Bashkimit Michale James shënoi më së shumti pikë, 10. Me një fjalë,  Superkupa e Kosovës kaloi me dominimin bindshëm të Prishtinës, ndërsa Bashkimi nuk ishte as hija e kampionit.  

Z Mobile Prishtina-Bashkimi 88:50

Z Mobile Prishtina: Bunjaku 14, Davis 18, Azemi 7, Anderson 1, F. Rugova 4, Veseli 12, Krasniqi 2, Jakupi 5, Berisha, Ismaili 8, Boukichou 8 dhe Krestinin 9.

Bashkimi: Peci 8, Gorski 6, Hazeri, Karanezi, Q. Biraj 7, Pallushi 4, Muriqi, Ilazi 9, Grosha 6, James 10 dhe Makasqi.

Më të lexuarat
Sot mund të lexoni Shfletoni kopertinat
Sondazh
test
Tjera