Konkurrentja e “Për’puthen”, Sindi Loci, është komentuar herë pas here për virgjërinë e saj.
Deklarata që 22-vjecarja bëri kur mori pjesë në këtë program televiziv, bëri që ajo të identifikohej jo vetëm brenda, por edhe jashtë studios si “vajza e virgjër”.
Loci kaloi një periudhë shumë të vështirë në fillimet e saj, pasi iu desh të përballej me komentet e publikut dhe stresi që akumuloi bëri që të binte edhe në peshë.
Mirëpo, tashmë duket se gjërat kanë ndryshuar dhe në postimin e fundit që bëri në llogarinë e saj në Instagram, konkurrentja tregoi se tashmë është më e fortë se kurrë dhe se nuk ia ndjen për komentet e askujt.
“Kam një super lajm për të gjithë ju!!! E mbani mend atë Sindin që hyri në fillim dhe vriste mendjen përse e gjithë Shqipëria dhe konkurrentët e bullizonin për faktin që nuk kishte pasur asnjëherë marrëdhënie seksuale me dikë më përpara?
Eh, ajo Sindi nuk është më… Vazhdoni komentoni, dërgoni mesazhe negative se nuk më intereson aspak… Vazhdoni mbushni emisionin/ faqen tuaj duke përmendur emrin tim, sepse aq jetë keni dhe doni të përfitoni sadopak nga imazhi im.
Unë KURRË nuk do të ndryshoj për askënd dhe çfarëdo qoftë opinioni im, do ta them me ZË TË LARTË, se përderisa jam ulur në atë karrige, e meritoj ta them opinionin tim përpara një Shqipërie dhe jo duke urryer nëpër komente dhe duke i bërtitur televizorit…
Për të gjithë ju që vazhdoni kaq dëshpërimisht të komentoni zërin dhe virgjërinë time… Ndërroni stacion se nuk po ju dëgjon askush, po flisni pafund edhe po i shtoni hormonet e këqija vetes suaj… se unë nuk kam si i çliroj, po ju e keni zgjidhjen.
Prandaj, MIRUPAFSHIM dhe FALEMINDERIT për vëmendjen që më jepni gjithmonë… Tani kjo virgjëria do shkojë të punojë për të ngjitur shkallët e suksesit, ndërkohë ju qëndroni në baltën tuaj”, shkroi Sindi, duke ju dhënë përgjigje të gjithëve një herë e mirë.
