Aktorja Jennifer Lawrence është lënduar gjatë xhirimit të filmit “Don’t Look Up” në juglindje të Massachusetts, shkruan “Deadline”.
Incidenti ndodhi për shkak se një shpërthim i planifikuar në orët e para të mëngjesit të së premtes shkoi keq.
Si pasojë e kësaj, një dritare qelqi në ndërtesën “Enterprise” është thyer dhe copat e tij e kanë dëmtuar aktoren afër syrit.
Burimet thanë se Lawrence është duke u rikuperuar pas incidentit, i cili mbylli filmimet atë ditë.
Filmi, “Don’t Look Up” i Netflix, me regji të Adam McKay, filloi xhirimet në nëntor, me protagonistë Lawrence, Leonardo DiCaprio, Timothée Chalamet, Chris Evans, Cate Blanchett dhe Meryl Streep. Të enjten në mbrëmje, xhirimi u zhvendos në Brockton, Massaxhusetts.
Një fotograf i “Enterprise” në skenën e xhirimeve të së premtes në mëngjes dëshmoi plagosjen, e cila ndodhi pasi një kosh plehrash u hodh në dritaren e ndërtesës.
Para lëndimit, Lawrence dhe Chalamet u panë duke filmuar një skenë në të cilën pikturuan me llak një dritare në të njëjtën ndërtesë.
