Perandoria e Kylie Jenner do t’i kalojë vajzës së saj Stormi Webster, nëse 3-vjeçarja do e dëshirojë këtë.
Biznesmenja milionere është shprehur se një ditë shpreson që markën e saj “Kylie Cosmetics”, t’ia trashëgojë të bijës.
23-vjeçarja hapi kompaninë për herë të parë në vitin 2015, në një moshë të vogël dhe arriti që ta kthejë në një biznes të suksesshëm, që i dha statusin e milioneres.
“Stormi është trashëgimtarja ime. Po e rris që të bëhet e zgjuar, e mirë dhe drejtuese e zonja. Ndoshta do të marrë Kylie Cosmetics një ditë, vetëm nëse ajo dëshiron,”– tha Jenner për “TMRW”.
Më pas shtoi: “Të bëhesha nënë ishte ndryshim i madh për mua. Jam rritur aq shumë dhe vazhdoj të rritem çdo ditë. Më pëlqen të mësoj dhe po përpiqem të jem një person i mirë.”
Kylie Jenner foli edhe për nënën dhe motrat e të famshme, duke thënë se janë shembulli i saj.
“Të rritesha duke parë nënën dhe motrat e mia më të mëdha, ishte thjesht e pabesueshme. Të shikoja nënën time duke ruajtur ekuilibrin mes punës dhe mëmësisë, ajo është thjesht gruaja më e arrirë që njoh. Ajo bëri vërtet një punë të mirë me mënyrën sesi na rriti. Ndaj këtë gjë dua t’ia kaloj Stormit, për të qenë e fortë dhe e pavarur”– tha 23-vjeçarja.