Pas ndarjes nga Alex Rodriguez, Jennifer Lopez është rikthyer me Ben Affleck dhe për këtë nuk ka më dyshime. Dyshja dalin hapur në publik, duke mos i kursyer përkëdheljet.
Vetëm së fundmi, Ben dhe Jennifer janë fotografuar gjatë një shëtitjeje në Hamptons në Long Island. Aktorët shfaqen shumë të dashuruar, të mbështetur te njëri-tjetri gjatë ecjes. Në njërën prej fotove Ben shihet duke i dhënë një puthje në ballë Jenniferit.
Çifti janë takuar dhe me fëmijët e njëri-tjetrit. Kujtojmë se Jennifer është nënë e dy binjakëve, Emme and Max, ndërsa Ben ka tre fëmijë me ish-bashkëshorten, Jennifer Garner. Ai ka dy vajza, 15-vjeçarja Violet, 12 vjeçarja Seraphina dhe një djalë 9-vjeçar të quajtur Samuel.
Ish-partneri i Jenniferit, Alex Rodriguez nuk është aspak i gëzuar për lidhjen e saj të re. Mediat e huaja kanë raportuar se ai po përpiqej t’ia rifitonte zemrën sërish.