Amal Clooney shkëlqeu teksa u shfaq e veshur me një kostum portokalli, ndërkohë që ajo dhe bashkëshorti i saj George po çonin për drekë me miqtë e tyre dy binjakët, 4-vjeçarë Ella dhe Alexander në Villa d’Este me varkë në Liqenin Como në Itali ditën e mërkurë.
Avokatja 43- vjeçare, u shfaq si gjithmonë me elegancën e saj, ndërsa bashkëshorti i saj aktori, 60 vjeçar, nuk ishte përpjekur shumë pasi mbante veshur një bluzë ‘Polo’ me mëngë të shkurtra dhe pantallona në ngjyrë kremi, të cilat i kishte kombinuar me këpucë ngjyrë kafe.
Çifti i Hollywood-it kohëve të fundit kanë mohuar thashethemet se janë në pritje të një fëmije tjetër, pasi nisën të qarkullojnë spekulime muajin e kaluar.
Ela e vogël dukej e mrekullueshme me një fustan të bardhë me qëndisje të stolisura me lule, të cilat i kishte veshur me sandale ngjyrë ari. Vëllai i saj binjak Aleksandri ishte po aq i bukur sa babai i tij, teksa mbante veshur një këmishë blu të errët të veshur hapur mbi një bluzë të bardhë të thjeshtë.
Në fund të muajit të kaluar, përfaqësuesit e George dhe Amal konfirmuan se çifti nuk po presin një fëmijë tjetër.
Burime të brendshme të çiftit kishin pohuar më parë se çifti, të martuar që prej vitit 2014, u kishin thënë miqve të tyre të ngushtë se ata po zgjeronin familjen e tyre kur organizuan një darkë të vogël pranë vilës së tyre italiane më 4 korrik.
Sidoqoftë, përfaqësuesi i tyre mohoi çdo spekulim të tillë duke zbuluar se: “Thashethemet që thonë se Amal Clooney është shtatzënë nuk janë të vërteta.”
