Mohamed Hadid, babai manjat i modeleve Bella e Gigi Hadid, njëkohësisht edhe babai i të dashurit Dua Lipës, Anwar Hadid nuk shkoka dhe aq mirë me fqinjët e tij, të cilët e kanë hedhur në gjyq. Arsyeja ka qenë ndërtimi i shtëpisë së Hadid, një vilë madhështore që po ngrihet majë një kodre, apo përbindësh siç e kanë konsideruar komshinjtë e miliarderit.
Katër fqinjët, që kanë kërkuar një dëmshpërblim prej 26 milionë dollarësh, kanë pretenduar se ndërtimi i shtëpisë u solli atyre një dekadë stresi, ankthi dhe netësh pa gjumë.
Ata thanë se shtëpia u shndërrua në një kantier me dyfishin e madhësisë së planeve origjinale që dilnin sipër tyre. Por arsyeja kryesore ishte ndërtimi në një kodër të prirur për rrëshqitje toke dhe mbie themel të dobët që mund të binte mbi shtëpitë e tyre, thanë fqinjët.
Megjithatë gjykata nuk u ka dhënë të drejtë përfundimisht, duke bërë që Mohamed Hadid të fitojë betejën ligjore, edhe pse gykatësi Craig Karlan e quajti rezidencën një “rrezik të qartë dhe konkret” dhe urdhëroi që ajo të prishej dy vjet më parë.
