Kandidate për kreun e FSHF-së? Ilda Bejleri flet për herë të parë dhe tregon si qëndron e vërteta

Bota e Yjeve

Kandidate për kreun e FSHF-së? Ilda Bejleri flet për herë të parë dhe tregon si qëndron e vërteta

Më: 23 shtator 2021 Në ora: 10:44
Ilda Bejleri

Ilda Bejleri ka reaguar për herë të parë pas lajmeve mbi kandidimin e saj si Presidente e Federatës Shqiptare të Futbollit (FSHF). Përveç moderatores sportive, pjesë e listës së kandidimit ishin edhe tre emra të tjerë të njohur: Dritan Shakohoxha, Sulejman Starova dhe Armando Duka.

Ditën e djeshme, teksa ishte e ftuar në “Ftesë në 5”, Bejleri tha:

“Jo, nuk është e vërtetë, se më pyesin dhe njerëzit e afërt ‘Moj, a është e vërtetë?’, por s’është e vërtetë. S’po them që është e pamundur, sepse përderisa nuk e ndalon rregullorja, atëherë çdo njeri mund të tentojë e të dojë të bëhet president apo presidente.

Ky lajmi që qarkullon s’është i vërtetë, sepse unë do e thoja vetë po të ishte i vërtetë. Nuk është tani momenti, sepse pasioni dhe dëshirat e mia në këto momente janë të fokusuara diku tjetër.

Kështu që nuk është ky momenti, nëse mund të jetë… nuk e di… mund të jetë në të ardhmen. Asnjë kandidat nuk e kam parë që të jetë i zyrtarizuar”.

E pyetur se cilin prej kandidatëve të mundshëm të FSHF-së do të donte të shihte si president, Ilda tha se “një pozicion i tillë i shkon dikujt që ka lënë gjurmë në sport dhe e ka provuar vetë futbollin“.

Image
Shfaq komentet
comments powered by Disqus
Më të lexuarat
Sot mund të lexoni Shfletoni kopertinat