Duket se me martesën e saj të fundit me Carter Reem, Paris Hilton bëhet pjesë e një situate të komplikuar familjare. Kjo pasi bashkëshorti i trashëgimtares 40-vjeçare ka një fëmijë, të cilin e ka parë vetëm një herë që kur ka lindur, pra nëntë vite më parë.
Ky zbulim është bërë nga Page Six , duke cituar një burim me njohuri për situatën.
“Carter e mbështet fëmijën. Edhe pse ai nuk ka një marrëdhënie tradicionale baba-bijë me të, ai është kujdesur për të që kur ajo ka lindur dhe do të vazhdojë ta bëjë këtë”, tha një burim.
Nëna e vajzës është Laura Baizi, yll i një reality shoë, e cila u shfaq në spektaklin “Secrets of Aspen. Biznesmeni milioner firmosi një dokument, ku pranonte se ishte babai, pavarësisht se ai nuk bëri kurrë testin e atësisë, siç tregohet nga dokumentet ligjore të aksesuara nga NY Post.
Hilton dhe Reum u martuan në pronën e gjyshit të saj të ndjerë në Bel Air më 11 nëntor, rrethuar nga 200 të tjerë të famshëm, duke përfshirë Nicole Richie, Emma Roberts dhe Ashley Benson. Të sapomartuarit vazhduan festën gjatë gjithë fundjavës.
