Boksieri i njohur, Robin Krasniqi, ka zyrtarizuar lidhjen e tij me bukuroshen Marigona Krasniqi.
Çifti e konfirmuan lajmin përmes fotografive të përbashkëta të publikuara në rrjetet sociale.
Së fundmi, ka qenë modelja dhe moderatorja Krasniqi ajo e cila ka publikuar disa imazhe të ëmbla të çiftit, të realizuara në Stamboll gjatë një vizite të disa ditëve më parë.
Ajo dukej mjaft elegante e veshur në një fustan të gjelbër me të çarë anash, gjersa mund të shihet e buzëqeshur në krahët e Robinit.
Ndërkohë, vetëm pak ditë më parë Marigona kishte publikuar një fotografi në llogarinë e saj zyrtare në Facebook të cilën më pas e ka fshirë, ku shihej me të njëjtin fustan dhe me një unazë fejese në dorë.
“Një dashur që më përmbushë”, kishte shkruar ajo në mbishkrimin e fotografisë, duke bërë kështu të ditur se i kishte thënë PO boksierit nga Juniku.
Komentet për çiftin kanë qenë të shumta nga ndjekësit në rrjetet sociale, shumica prej të cilëve i kanë uruar dyshes trashëgime.
