Finalistët po diskutojnë tema të ndryshme kohët e fundit, gjithashtu edhe për eksperiencën e tyre brenda shtëpisë së famshme.
Së fundmi, modelja, Beniada Nishani iu ka bërë pyetje Ilirit dhe Donaldit.
Derisa bisedonin, Beniada pyet nëse dy konkurrentët e kishin menduar ndonjëherë të linin lojën e “Big Brother”.
Aktori, Donald Veshaj u shpreh se e ka çuar në mendje. Madje ka menduar nëse hyrja e tij në shtëpinë më të famshme në Shqipëri ishte gjëja e duhur që ai ka bërë. Megjithatë, pavarësisht këtyre mendimeve, Donaldi tha se egoja nuk ia ka lejuar ta lë lojën.
Theksojmë se, Donaldi ka pasur një sërë ngjarjesh që i kanë ndodhur sa ka qenë jashtë por e kanë ndjekur edhe gjatë qëndrimit të tij në “Big Brother VIP”.
Ndryshe, ai u zgjedh finalisti i tretë pasi Iliri ishte i pari dhe Beniada e dyta në përzgjedhjen e “Vëllait të Madh”.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
