Jonida Maliqi ka qëndruar larg muzikës prej shumë vitesh. “Need you” ishte kënga që e rikthye fuqishëm në muzikë pas një pauze kaq të gjatë.
Këngëtarja ka dhënë së fundmi një intervistë për Top Albania Radio, ku mes të tjerash ka zbuluar dhe arsyen e shkëputjes nga muzika për një kohë kaq të gjatë.
“Ishte çështja e mëmësisë ajo që më shkëputi, unë i kisha kaluar etapat e karrierës muzikore.
Të kënduarit për mua ishte prioritet, të qenurit 100 % vetja pa bërë kompromis. Përsa kohë se kam patur synimin e të fituarit të ardhura gjithçka ka ardhur në mënyrë organike. Nuk kam nevojë për të bërë promo masive.
Kam kuptuar që nuk hyj në kategorinë e këngëtarëve super të klikuar, e bëj vetëm për kënaqësinë e shpirtit tim, të atyre që e duan muzikën time, gjithçka vjen në mënyrë natyrale.”, u shpreh Jonida duke zbuluar më tej dhe se pritet të sjellë dhe tre materiale muzikore, të cilat do t’i shoqërojë dhe me klipe.
