"Fytyra jote e ëmbël i shtoi dozën e lumturisë portretit tonë familjar. Sot të mbaj në duar ty drita ime që ashtu siç ke emrin, ashtu është edhe pesha jote në shpirtin tim KAM AR! Zot faleminderit!"- kështu do të shkruante Zaimina Vasjari më 21 mars, duke lajmëruar kësisoj se ishte bërë mama për herë të dytë.
Që nga ai moment e deri më sot e gjithë vëmendja e saj është përqendruar te më i vogli i familjes, të cilin e ka bërë publik për ndjekësit në Instagram. Por, ndërkohë që Kamar rritet, mami Zaimina ka një shqetësim si të gjitha ne femrat lidhur me sezonin që na pret përpara: kilogramët e tepërt.
Ajo ka postuar një foto në Instagram, ku tregon se ka akoma 10 kg për të humbur deri në verë.
Me thënë të drejtën, Zaimina neve na duket në super formë si gjithmonë, por ja që edhe këngëtarja e njohur nuk ndihet mirë me veten.
