Kate Middleton frymëzohet shpesh nga stili i Princeshës Diana, por herën e fundit e ka rikrijuar veshjen deri në detaje. Të premten, Kate dhe William bënë debutimin e tyre në Royal Ascot 2022, në garën ikonike të kuajve.
Për ngjarjen, Kate kishte veshur një fustan ngjyrë të bardhë me pika kafe nga Alessandra Rich, shoqëruar me një kapele me detaje lulesh nga Sally-Ann Provan.
Në vitin 1988, Princesha Diana zgjodhi gjithashtu të vishte një fustan me pika në të njëjtën ngjarje.
Gjithashtu, ajo ka veshur një fustan të ngjashëm edhe në vitin 1986, po në një ngjarje garash me kuaj: Derby Epsom. Diana zgjodhi një fustan të bardhë me pika të Victor Edelstein, së bashku me një kapele të ngjashme me pika nga Frederick Fox.
Kate gjithashtu nderoi vjehrrën e saj të ndjerë duke mbajtur vathët me perla që më parë i përkisnin Dianës. Princesha e Uellsit i ka përdorur bizhuteritë në shumë raste gjatë viteve 1990.
Princi William dhe Princi Harry trashëguan koleksionin e mahnitshëm të bizhuterive të nënës së tyre dhe tani gratë e tyre janë parë duke mbajtur bizhuteritë që kanë një vlerë të madhe sentimentale.
