Që pas pjesëmarrjes në “Dancing With The Stars”, Sara Hoxha ka arritur të rrëmbejë zemrat e të gjithë publikut. Ndonëse njihet si “Sara e Ledrit”, blogerja tashmë po tenton të krijojë imazhin e saj nëpërmjet spektaklit të kërcimit ku lufton për të fituar dhe çmimin e madh.
E ftuar në “Më lër të flas”, Sara ka treguar planet e saj për të pasur një fëmijë të sytë me reperin por nuk dihet ende se kur.
“Kemi edhe plane për fëmijë të dytë, normale. Nuk e dimë por kemi plane për të ardhmen. A është në 1, 2 apo 5 vitet e ardhshme nuk e dimë akoma por Poin nuk do ta lëmë pa motër ose vëlla”- tregoi ajo.
Gjatë një loje të zhvilluar, ajo ka treguar 3 gjërat që nuk i pëlqejnë aspak tek Ledri:
“Ledri është shumë i tërhequr, nuk ka shumë qejf të dalë diçka të cilën unë e kuptoj dhe fakti që është Gaforre, shumë i ndjeshëm”.
Angazhimi që ka tashmë në “DWTS” ka bërë që Sara një pjesë të madhe të kohës të mos e kalojë mjaftueshëm me Poem Blu.
“Është problem sepse më merr shumë malli kur është në Kosovë. Tani e kemi bërë që një javë të vijë këtej dhe një javë të shkojë andej. Kjo është pjesa më e vështirë sepse edhe Ledri nuk shkëputet dot gjatë gjithë kohës që të vijë këtu”- u shpreh ajo.
Kanë kaluar plot 10 javë që pas nisjes së spektaklit të kërcimit, e pyetur nëse Ledri ka qenë një ndihmë e madhe për të, Sara u shpreh:
“Po, as që diskutohet. Patjetër sepse të gjithë njerëzit që e duan Ledrin detyrimisht më duan edhe mua. Më votojnë mua për Ledrin. Është normale kjo gjë”.
