Selena Gomez ka myllur të gjitha rrjetet e saj sociale pas një ‘drame’ të TikTok në lidhje me gruan e ish të dashurit të saj Justin Bieber, Hailey Bieber.
Të enjten, Gomez foli gjatë një ‘Live’ në TikTok ku njoftoi fansat e saj se ajo do të “bëjë një pauzë” dhe do të largohet nga mediat sociale.
“Do të marr një pushim nga mediat sociale, sepse kjo është pak marrëzi. Unë jam 30 vjeç dhe jam shumë e vjetër për këtë. Ju dua shumë dhe do të shihemi shumë shpejt “tha ajo. “Unë thjesht do të bëj një pushim nga gjithçka.”
Në një intervistë të fundit të Vanity Fair, aktorja e ‘Only Murders In The Building’ shpjegoi se si e kishte hequr plotësisht veten nga mediat sociale përveç TikTok, dhe në vend të kësaj kishte zgjedhur që asistentët e saj të drejtonin llogaritë e saj dixhitale.
“Bota ishte shkolla ime për kohën më të gjatë dhe fillova të mbushesha me informacione që nuk i doja. Kam kaluar një kohë të vështirë në një ndarje dhe nuk doja të shihja asnjë, jo domosdoshmërisht për marrëdhënien, por opinionet e meje kundrejt apo dikujt tjetër”, tha ajo për revistën.
“Do të kishte mijëra komente vërtet të këndshme, por mendja ime shkon drejt e tek ato të këqijat.”
Ajo shtoi: “Njerëzit mund të më quajnë të shëmtuar ose budallaqe dhe unë jam çfarëdo qoftë. Ata shkruajnë paragrafë që janë kaq specifikë dhe të poshtër. Unë vazhdimisht qaja. Kisha vazhdimisht ankth…nuk mundesha më. Ishte një humbje e kohës sime.”
Vendimi i saj për t’u larguar krejtësisht nga TikTok dhe rrjetet sociale vjen pasi Gomez e gjeti veten në mes të një konflikti me Hailey.
Hailey Bieber dhe Kylie Jenner morën vëmendje të martën kur kjo e fundit postoi një screenshot nga një telefonatë në FaceTime me Hailey duke ngritur vetullat e tyre. Postimi erdhi disa orë pasi Gomez u tha ndjekësve të saj në TikTok se ajo “i leu shumë vetullat” dhe shtoi: “Do të doja të isha po aq e bukur sa Bella Hadid“.
Përdoruesit e TikTok-ut, akuzuan Bieber dhe Jenner se po talleshin me videon e Gomez në postimin e tyre.
