Naomi Campbell ndriçoi pistën me një pamje të ndezur në shfaqjen e Alexander McQueen gjatë Javës së Modës në Paris të shtunën.
Supermodelja, 50 vjeçe, u sigurua që të gjithë sytë të ishin tek ajo, ndërsa shfaqi pamjen e saj sfiduese ndaj moshës në një pjesë nga koleksioni, shkruan DailyMail.
Rreshti i parë i mbushur me yje, i cili përfshinte Cate Blanchett, Letitia Wright dhe Elle Fanning, u fiksuan teksa Naomi vendosi një dukje mahnitëse.
Nëna e dy fëmijëve dukej e pabesueshme me një bluzë metalike pa rrip që shfaqte një dekolte të thellë.
Gjysma e poshtme dukej si bisht sirene, e cila me të vërtetë e bëri tërë pamjen të dukej mahnitëse.
Një fund me fije përbënte gjysmën e poshtme të ansamblit, duke shfaqur linjat e saj të tonifikuara, ndërsa ajo i dha vetes disa centimetra shtesë në një palë taka argjendi me majë.
Grimi i saj ishte i përsosur, duke nxjerrë në pah mollëzat e saj të larta dhe nofullën e patëmetë, ndërsa flokët e saj të errët vareshin të lirshme pas shpinës.
Pas shfaqjes, ikona e modës shijoi një darkë në Hotel Costes dhe kaloi nëpër një turmë të madhe shikuesish dhe fansash.
