Këngëtarja shqiptare me famë ndërkombëtare, Bebe Rexha, ka nisur turneun e saj “Best F*n Night Of My Life” në Azi, pas sukseseve në Evropë dhe Amerikën e Veriut.
Ajo ka mbërritur në Koren e Jugut, ku ka performuar për fansat e saj në kryqytetin Seoul.
Me të mbërritur në vendin e largët, Rexha ka publikuar disa fotografi në llogarinë e saj zyrtare në Instagram, ku është dukur mjaft tërheqëse.
Ajo kishte veshur një fustan ngjyrë rozë dhe një këmsihë të bardhë sipër – i cili është një fustan tradicional i Koresë së Jugut.
34-vjeçarja është dukur mëse atraktive në këtë paraqitje, duke ngjasuar edhe në një ‘Barbie’ – film i cili ka qenë fenomeni i këtij viti.
Bebe Rexha përndryshe po përmbyll një vit mjaft të suksesshëm, pasi publikoi albumin e tretë të vetë-titulluar “Bebe”, i cili rezultoi mjaft i pëlqyer nga publiku.
