Pas një viti plot me muzikë të re dhe triumfe në skenën ndërkombëtare, këngëtarja shqiptare me famë botërore, Bebe Rexha, ka zgjedhur të mbyllë vitin me stresin e larguar në plazhet e mahnitshme të ishujve St. Barts.
Rexha mori kohë nga agenda e saj e ngjeshur për të marrë disa ditë të merituar pushimi dhe të rinovojë energjitë për aventurat që vijnë.
Në Instagram, ajo ka ndarë me fansat fotografi nga pushimet e saj, duke i lënë të gjithë pa fjalë me imazhet e saj në bikini të zeza dhe një fustan të lezetshëm me material rrjete. Trupi i saj i tonifikuar dhe shkëlqimi i saj natyral në rrezet e diellit është prova se suksesi dhe kujdesi për veten shkojnë dorë për dore.
Teksa shijon valët dhe diellin tropikal, Bebe Rexha po përmbyll një vit mbresëlënës në karrierën e saj.
Këngëtarja 34-vjeçare ka publikuar albumin e saj të tretë të vetëtitulluar “Bebe”, ka bërë një turne botëror dhe është kurorëzuar me çmime prestigjioze, duke përforcuar pozicionin e saj si një ndër yjet më në zë të muzikës bashkëkohore.
Sikur të gjitha këto suksese nuk mjaftojnë, Bebe Rexha është gjithashtu e nominuar për një çmim në ceremoninë prestigjioze të “Grammy Awards 2024”. Ajo konkuron në kategorinë “Kënga më e mirë ritmike/elektronike” për hitin e saj “One In A Million”, një këngë që ka pushtuar listat e klasifikimeve dhe zemrat e fansave anembanë botës.
Përderisa po pushon dhe rimerr frymën në St. Barts, nuk ka dyshim se Bebe Rexha do të kthehet me më shumë energji dhe kreativitet për të vazhduar të impresionojë botën me talentin e saj e artistik në vitin që vjen.
