Autoriteti i Kanalit të Suezit po shqyrton mundësinë e zgjerimit të kanalit në pjesën jugore të rrugës ku anija Ever Given u bllokua.
Ai po kërkon gjithashtu vendosjen e vinçave që mund të shkarkojnë ngarkesa në lartësi deri në 52 metra, tha Osama Rabie në një intervistë për Reuters.
“Procedurat tona janë të shëndosha, ne thjesht synojmë të përmirësojmë shërbimin,” tha ai.
Pasi u zhvendos, anija u dërgua në një liqen që ndan dy pjesë të kanalit ku Autoriteti i Kanalit të Suezit (SCA) ka kryer hetime.
Rabie tha se të dhënat nga regjistruesit e anijes ishin hequr dhe dorëzuar në një komision hetimi dhe se anija do të udhëtonte pasi të mbaronin procedurat.
“Po flasim për dy ose tre ditë të tjera, dashtë Zoti. Por ne nuk do të marrim shumë kohë, ”tha ai.
SCA ka thënë se do të vazhdojë të marrë anije të përmasave të Ever Given dhe po forcon aftësinë e saj për t’u marrë me problemet e ardhshme.
“Ne do të përpiqemi të marrim edhe dy anije tërheqëse, me fuqi tërheqëse prej më shumë se 200 tonë – 250, 280, në varësi,” tha Rabie.
