Ky është një moment tronditës kur një re në formë nëndetëseje shfaqet pikërisht mbi brigjet e Indonezisë, pak ditë pasi një nëndetëse e marinës u mbyt bashkë me 53 pjesëtarë të ekuipazhit në bord, afër Balit.
Forma e çuditshme, raportohet se është parë katër ditë pas mbytjes së nëndetëses që u gjet e ndarë në tre copa në fund të oqeanit më 25 prill.
Banorët thanë se e panë renë nga plazhi. Reja në formë nëndetëseje u krijua nën një sfond të përskuqur, sikur të ishte në një lloj nderimi për viktimat.
Më 21 prill, nëndetësja me 53 marinarë në bord u mbyt ndërsa po merrte pjesë në një stërvitje pranë brigjeve të balit. Zyrtarët gjetën një copë torpedoje dhe një shishe me vaj që përdorej për të lubrifikuar periskopin e nëndetëses në perimetër, gjatë kërkimeve.
KRI Nanggala 402 u zhduk rreth 60 milje larg brigjeve të balit, mëngjesin e 21 prillit. Autoritetet nisën një operacion kërkimi por nuk patën sukses.
