Anëtarët e forcave të armatosura Etiopiane dhe Eritreane në Afrikë kanë dhunuar qindra gra dhe vajza në provincën Tigray të shkatërruar nga lufta, shumë prej tyre i kanë shndërruan në skllave të seksit dhe i kanë gjymtuan ato, sipas një raporti të organizatës joqeveritare Amnesty International të publikuar sot.
Raporti, i bazuar në intervistat me 63 viktima, dokumenton një breshëri mizorish që autoritetet etiopiane kanë konfirmuar se janë duke u hetuar; deri më sot, të paktën tre ushtarë janë dënuar për përdhunim dhe 25 të tjerë po përballen me ndjekjen penale për "dhunë seksuale dhe përdhunim".
Të mbijetuarve janë shprehur se ata ishin përdhunuar në grup ndërsa ishin mbajtur rob për javë të tëra, disa të tjerë janë shprehur se ishin përdhunuar para familjeve të tyre, ndërsa tek disa të tjerë ishin përdorur objekte të mprehta, gjë që u ka shkaktuar atyre lëndime serioze, "të përhershme" gjenitale, thekson Amnesty International.
Një nga viktimat është shprehur: "Më përdhunuan njëri pas tjetrit. Nuk e di nëse e kuptuan që isha shtatzënë. Nuk e di nëse ata e kuptuan që isha njeri."
“Është e qartë se përdhunimi dhe dhuna seksuale janë përdorur si armë lufte për të shkaktuar trauma të qëndrueshme fizike dhe psikologjike te gratë dhe vajzat në Tigray. Disa prej tyre iu nënshtruan trajtimit barbar për t'u çnderuar, për të humbur statusin e tyre njerëzor", shprehet sekretari i përgjithshëm i Amnesty, Anies Kalamar.
"Rëndësia dhe shtrirja e krimeve seksuale të kryera janë veçanërisht tronditëse, ato janë krime lufte dhe krime kundër njerëzimit," shtoi ajo.
Muajt e fundit, Agence France-Presse ka intervistuar disa gra të cilat u raportuan se ishin përdhunuar në grup nga ushtarët etiopianë dhe eritreas.
Lufta shpërtheu në provincën veriore të Etiopisë Tigray nëntorin e kaluar kur kryeministri Abi Ahmed dërgoi një ushtri federale për të përmbysur qeverinë lokale, e cila i përkiste Frontit të Çlirimit të Popullit Tigray (TPLF).
Sipas fituesit të Çmimit Nobel për Paqen 2019, operacioni ishte një përgjigje ndaj sulmeve ndaj bazave të ushtrisë federale nga TPLF.
Përgjithësimi i konfliktit ka kosto tragjike njerëzore: sipas OKB -së, 400,000 njerëz po përballen me uri në Tigray, ndërsa ndihma humanitare arrin me pikatore.
Sipas Amnesty International, autorët e mizorive në Tigray thuhet se janë kryesisht burra nga ushtria e Eritreas fqinje, e cila mbështet kryeministrin aktual Etiopian, anëtarët e forcave të sigurisë dhe paramilitarët nga provinca Amhara, e cila kufizohet me Tigray.
Më shumë se njëzet gra i thanë Amnesty që ata u përdhunuan vetëm nga ushtarët eritreas, të tjerë thanë se ushtarët eritraianë dhe etiopianë vepruan së bashku.
"Ne u dhunuam dhe u privuam nga ushqimi ", tha një nga viktimat, 21 vjeç, për organizatën, duke theksuar se ajo ishte mbajtur peng për 40 ditë. "Ne ishim rreth tridhjetë gra; të gjithë u dhunuam."
Sipas Amnesty International, qendrat e trajtimit në Tigray regjistruan 1,288 raste të dhunës kundër grave viktima nga shkurti në prill 2021.
Zyrtarët mjekësorë vlerësojnë se shumë gra zgjodhën të mos shkonin për tu vizituar tek mjekët.
