Një vullkan nënujor ka shpërthyer në shtetin ishullor të Paqësorit, Tonga, duke dërguar valë të mëdha që shkaktuan paralajmërime për cunami në të gjithë Paqësorin Jugor.
Valët kanë arritur në breg në vendin ishull, duke hyrë rreth shtëpive dhe ndërtesave. Deri më tani nuk ka raportime për të lënduar apo për shkallën e dëmeve.
Shpërthimi i Hunga Tonga Hunga Ha’apai, i vendosur rreth 65 kilometra në veri të Nuku’alofa, shkaktoi një cunami prej 1.2 metrash.
Autoritetet në vendet e afërta ishullore të Fixhit dhe Samoas lëshuan gjithashtu paralajmërime, duke u thënë njerëzve të shmangin vijën bregdetare për shkak të rrymave të forta dhe valëve të rrezikshme.
Valët e cunamit me lartësi prej dy metrash u krijuan gjithashtu në Samoan Amerikane pas shpërthimit vullkanik, raporton Independent, transmeton Klankosova.tv.
Vullkani ndodhet rreth 64 kilometra në veri të kryeqytetit Nuku’alofa. Në fund të vitit 2014 dhe në fillim të 2015, një seri shpërthimesh në zonë krijoi një ishull të vogël të ri dhe ndërpreu udhëtimin ndërkombëtar ajror në arkipelagun e Paqësorit për disa ditë.
