Disa civilë të bllokuar për javë të tëra në qytetin port të shkatërruar të Ukrainës, Mariupol, kanë mundur të largohen, por zyrtarët thonë se ka shumë më pak se sa shpresohej, shkruan BBC, transmeton Bota sot.
Kjo vjen pas disa dështimeve të fundit. Guvernatori i Donetskut Pavlo Kyrylenko tha se ata do të planifikonin autobusë për të evakuuar rreth 6,000 gra, fëmijë dhe të moshuar.
Por, pa dhënë shifra, ai tha se nuk janë larguar shumë.
Në një postim në Telegram, autoritetet lokale thanë se Ukraina "ka përmbushur të gjitha detyrimet e saj".
Sipas këshillit të qytetit të Mariupolit, një kolonë autobusësh dhe ambulancash ishte gati për të vazhduar evakuimin.
