Rezistenca ndaj pushtimit të Mariupolit vazhdon, pavarësisht se qyteti ra në duart e rusëve muajin e kaluar, raporton BBC, përcjell Bota sot.
Duke shkruar në Telegram, Petro Andryushchenko, një këshilltar i kryebashkiakut ukrainas të Mariupolit, tha se qyteti "nuk e pranoi pushtimin".
Ai pretendoi se dy kamionë tërheqës dhe tre automjete të tjera të mëdha u dogjën javën e kaluar në parkun e makinave të Ministrisë ruse të Emergjencave.
Postimi detajon gjithashtu therjen fatale të një punonjësi të ministrisë në një turmë që priste ndihmën humanitare pranë metrosë së qytetit.
"Ndëshkimi është afër. Lavdi Ukrainës!", përfundon postimi, në një paralajmërim për ushtarët rusë në qytet.
Qyteti port jugor u shkatërrua nga bombardimet me javë të tëra dhe tani është në rrezik të një shpërthimi të madh kolere, sipas Ministrisë së Mbrojtjes të Mbretërisë së Bashkuar.
Ushqimi dhe uji i kontaminuar, si dhe trupat e pajetë dhe mbeturinat e pambledhura në rrugë, po kontribuojnë në përhapjen e sëmundjes, tha Ministria e Mbrojtjes.
