Në Mariupolin e pushtuar përkohësisht, pushtuesit rusë përdorin pajisje speciale për të shkatërruar lagje të tëra në rrethet Livobereznyi, Prymorskyi dhe Tsentralyi të qytetit, të cilat i kanë dëmtuar edhe më parë me armët e tyre.
Lajmi u bë i ditur nga, Petro Andriushchenko, këshilltar i kryetarit të bashkisë së Mariupolit në Telegram
“Si po zhduket Mariupol. Distrikti Livoberezhnyi. Lagjja që është më afër Azovstalit. E shkatërruar… Ky nuk është fundi, por vetëm fillimi. Një mikrodistrikt me të njëjtën madhësi po shkatërrohet në lagjen Priymorskyi, Cheryomushki. E njëjta lagje po rrënohet në qendër të Mariupol”, ka shkruar Andriushchenko.
Ai postoi gjithashtu një hartë që tregon shkallën e shkatërrimit të shtëpive në rrethet e Mariupolit.
Siç raportohet, agresioni rus shkaktoi një nga fatkeqësitë më të mëdha humanitare në Mariupol. Granatimet e armikut shkatërruan pothuajse 90% të qytetit. Pushtuesit dhe bashkëpunëtorët e tyre nuk i riparojnë banesat e dëmtuara, por i shembin për të fshehur gjurmët e krimeve të tyre.
