Regjimi mizor i Vladimir Putinit po përballet me kolapsin total vitin e ardhshëm pasi rrethi i tij i ngushtë do të kthehet kundër tij, kanë pohuar ekspertët dhe studiuesit e luftës.
Ndërsa numri i ushtarëve rus të vdekurve në Ukrainë ka tejkaluar shifrën e zymtë prej 100,000, trupash, zërat brenda Kremlinit kanë nisur të flasin se regjimi i Putinit mund të shkatërrohet në vitin 2023.
Duke folur për The Sun Online, ekspertja ruse me qendër në SHBA, Olga Lautman nga Qendra për Analizën e Politikave Evropiane tha se priste që regjimi të shembej vitin e ardhshëm. Ndërsa shtoi se përmbysja e regjimit të Putinit ka shumë të ngjarë të vijë nga brenda, sesa nga një lëvizje organike e njerëzve të zakonshëm. Ajo tha se komplotet e shumta rreth shëndetit të despotit rus mund të ishin lëshuar nga pasardhësit e tij të mundshëm, në një përpjekje për të minuar regjimin e tij.
“Nuk do të habitesha nëse regjimi i tij shembet në 2023. Thashethemet për shëndetin e Putinit po nxirren nga shërbimet e sigurisë. Ato janë nxjerrë jashtë që nga viti 2008, gjithmonë në kohën e ngjarjeve kryesore. Ata mund të jenë duke hedhur bazat për largimin e Putinit, mund të jenë një formë shpërqendrimi për Perëndimin, ose mund të jenë për të dekurajuar kryengritjet. Pasi pse të shqetësohesh për të rrëzuar Putinin nëse ai do të vdesë?“, tha ajo duke shtuar se pritja që Putini të vdesë nuk është zgjidhje.
“Putini i ka ezauruar të gjitha opsionet, por ai do ta zvarritë luftën. Ai do të kërkojë dobësi në Perëndim, fërkime mes aleatëve, si mes Amerikës dhe Evropës, dhe mes Britanisë së Madhe dhe BE-së. Rusia është e mirë në zvarritjen e një lufte. Forcat e Putinit pushtuan për herë të parë Ukrainën në 2014, në mars ne po shohim nëntë vjet luftë në Ukrainë” u shpreh Olga.
Ajo gjithashtu paralajmëroi se nuk ka asnjë shans për paqe në Ukrainë derisa Putini të largohet.
“Paqja në Ukrainë do të thotë që Rusia të mbledhë ushtrinë e saj dhe të kthehet në shtëpi. Kjo do të thotë se Rusia do të de-okupojë të gjithë territorin ukrainas, duke përfshirë Krimenë dhe Donbasin. Kjo nuk do të ndodhë nën regjimin e Putinit. Nëse regjimi i tij shembet dhe ka një fytyrë të re në Kremlin që dëshiron të bëjë ndryshime, atëherë mund të ketë ndryshime afatshkurtra, por në fund jo një tërheqje afatgjatë” tha ajo.
Ndërkohë një burim i brendshëm rus i kthyer në disident ka pohuar gjithashtu se regjimi i Putinit mund të përballet me kolapsin në të ardhmen e afërt.
“Për fat të keq, rusët nuk besojnë më në aftësinë e tyre për të rrëzuar qeverinë. Edhe ata që duan të mendojnë se është më e lehtë të emigrojnë. Por nëse dështimi i luftës bëhet i dukshëm për rusët e zakonshëm, atëherë qeveria mund të bjerë shumë shpejt, siç ndodhi me luftën sovjeto-afgane në vitet 1980” tha ai.
Por ai paralajmëroi se Putini ka të ngjarë t’i drejtohet armëve bërthamore nëse Ukrainës nuk i jepet fuqia për të çuar luftën në Rusi.
“Nëse Perëndimi vazhdon të detyrojë Ukrainën të zhvillojë një luftë mbrojtëse dhe nuk e furnizon atë me armë sulmuese me rreze të gjatë për të sulmuar Rusinë dhe Bjellorusinë, atëherë lufta nuk do të përfundojë”, tha ai.
