Ministria e Jashtme e Ukrainës ka kritikuar presidentin kroat Zoran Milanovic për deklarimin se Krimea nuk do të kthehej kurrë në kontrollin ukrainas, duke e përshkruar komentin e tij si "të papranueshëm", përcjell Bota sot.
Në komentet e së hënës duke detajuar kundërshtimin e tij ndaj Zagrebit që t'i jepte ndihmë ushtarake Kievit, Milanovic tha se ishte "e qartë" se gadishulli i Detit të Zi, të cilin Rusia e mori nga Ukraina në 2014, "nuk do të jetë më kurrë pjesë e Ukrainës".
“Ne i konsiderojmë të papranueshme deklaratat e presidentit të Kroacisë, i cili në fakt hodhi dyshime mbi integritetin territorial të Ukrainës”, shkroi në Facebook zëdhënësi i Ministrisë së Jashtme të Ukrainës, Oleg Nikolenko.
