Papa Françesku këtë të dielë i është drejtuar turmës së mbledhur në sheshin e Shën Pjetrit për të festuar Pashkët.
Papa në fjalën e tij para besimtarë ka uruar “Gëzuar Pashkët” për të gjithë ortodoksët, të cilët sot kremtojnë Ngjalljen e Krishtin.
“Dua të shpreh afërsinë time me të gjithë vëllezërit dhe motrat që, veçanërisht në Lindje, sot festojnë Pashkët. Zoti i ringjallur qoftë pranë jush dhe ju mbushtë me Shpirtin e tij të Shenjtë, Gëzuar Pashkët për të gjithë ju”, ka thënë Papa.
Ndër të tjera në urimin e tij ai ka zgjedhur që të veçojë besimtarët rusë dhe ukrainas të cilët janë në luftë me njëri tjetrin.
“Vëllezërit rusë dhe ukrainas po festojnë sot Pashkët. Zoti u qëndroftë në krah dhe i ndihmoftë të arrijnë paqen.”
