Dronët “çajnë” mbrojtjen ruse, Meçollari: Sevastopoli po mbrohet nga Rusia me 6 perde, synimi i Ukrainës
Ukraina po tremb Rusinë, jo me drone nga ajri, por me drone nga uji. Porti i Sevastopolit është goditur me një dron prodhim ukrainas i cili ka arritur të depërtojë në disa nivele të mbrojtjes ruse.
Kapiten Artur Meçollari i ftuar në emisionin “Lufta dhe Paqja” shprehet se Sevastopoli që pas sulmit të datës 20 mars nga Ukraina, po mbrohet me 6 perde.
Nëse ky dron arrinë të depërtojë të gjithë sigurinë ruse, ai ka potencialin që të mbysi një anije.
“Goditja me dron ujor në Sevastopol nga Ukrainë bllokon bazën ujore ruse. Droni lundron me rreth 300 km/h dhe është vështirë i identifikueshëm. Për momentin ky është problemi më i madh në sigurinë e Sevastopol.
Këto dronë janë prodhim ukrainas. Kanë sistem me GPS, por në fund edhe me video. Mbas sulmit 20 mars, ku u asgjesuan 3 dronë ukrainas, rusët vendosën të mbrojnë me 6 perde, Savastopolin.
Depërtimi i këtij droni, mund të mbysi një anije. Ky dron ka profil shumë të ulët ne det dhe është e vështirë të kapet nga radari” tha Meçollari.
Britania dhe SHBA kritika Rusisë në OKB: Putin ka shkaktuar vuajtje, veprimet e Moskës bien ndesh me parimet tona
Ndërsa mbledhja e këshillit të sigurimit vazhdon, përfaqësuesit e Mbretërisë së Bashkuar dhe SHBA-së në OKB i janë kundërpërgjigjur fjalimit agresiv të Rusisë më herët, e cila përfaqësohet nga ministri i Jashtëm Sergej Lavrov.
Dame Barbara Woodward i tha Këshillit të Sigurimit: “Ne kemi parë se çfarë do të thotë ideja e Rusisë për multilateralizmin për botën.
“Më shumë se një vit pas pushtimit në shkallë të plotë të Ukrainës nga Rusia, Presidenti Putin i ka sjellë atij vend vuajtje të paimagjinueshme duke shkelur Kartën e OKB-së.
“Mijëra ukrainas janë vrarë, miliona janë zhvendosur dhe miliarda në mbarë botën janë përballur me rritje të çmimeve të mallrave dhe pasiguri ushqimore.
“Një brez rus ka humbur të ardhmen e tij dhe qeveria ruse as që mund të shpjegojë pse. Pretendimet e Rusisë ndaj territorit të Ukrainës nuk do të njihen kurrë. Unë nuk shoh asgjë efektive apo shumëpalëshe në lidhje me politikën e jashtme të Rusisë,” shtoi ajo.
Ndërkohë, përfaqësuesja e SHBA-së në OKB Linda Thomas-Greenfield e quajti luftën e Rusisë “të paligjshme, të paprovokuar dhe të panevojshme”.
“Rusia thjesht dëshiron të ricaktojë kufijtë ndërkombëtarë me forcë në kundërshtim me këtë Kartë të OKB-së. Kjo bie ndesh me gjithçka që përfaqëson ky institucion,” tha ajo.
Borrell: Për të paraqitur propozime për paqen, duhet së pari të vizitoni Ukrainën
Një numër vendesh po parashtrojnë propozime për një zgjidhje paqësore në Ukrainë, por që propozime të tilla të jenë efektive, duhet së pari të vizitoni Ukrainën dhe të kuptoni ndryshimin midis një agresori dhe një viktime të agresionit.
Përfaqësuesi i Lartë i BE-së Josep Borrell tha këtë në një konferencë për shtyp në Luksemburg, pas një takimi të Këshillit të Punëve të Jashtme të BE-së.
“Ministri i Jashtëm i Ukrainës, Dmytro Kuleba na ka përditësuar përmes QAP-së për situatën në terren dhe për prioritetet dhe nevojat e Ukrainës. Ne e dimë se Ukraina ka nevojë për municion dhe raketa urgjentisht dhe atyre u duhen për të mbrojtur territorin e saj. Është jo se Rusia nuk dëshiron të ndalojë dhe Ukraina nuk dëshiron të ndalet. Jo, kjo nuk është mënyra e paraqitjes së gjërave. Rusia nuk dëshiron të ndalojë pushtimin dhe Ukraina duhet të vazhdojë të mbrohet. Kjo është e drejta mënyra për të shpjeguar se çfarë po ndodh atje”, tha Borrell.
“Dua të kujtoj situatën e tmerrshme në terren për të gjithë njerëzit që po bëjnë thirrje për paqe tani. Unë bëj thirrje për paqe gjithashtu. Por këto thirrje, ku ishin këto thirrje kur Rusia grumbullonte trupa në kufij? Ne të gjithë duam paqen , dhe para së gjithash ukrainasit. Por duhet të jetë një paqe e drejtë. Dhe deri atëherë, ne do të vazhdojmë të mbështesim mbrojtjen e Ukrainës”, shtoi Borrell.
Ai kujtoi se kohët e fundit, disa ide në lidhje me paqen u hodhën nga Kina, por edhe nga Brazili. “Për përpjekje të besueshme dhe të ndershme për paqen, duhet të flitet edhe me Kievin dhe të shkohet atje për të parë agresionin me sytë e tyre, me sytë e atyre që bombardohen. Duhet të jetë shumë i qartë për atë që po ndodh. Ka një agresor, i cili ka shkelur Kartën e Kombeve të Bashkuara dhe ka pushtuar një vend tjetër dhe ka një viktimë të këtij agresioni”, tha ai.
“Ne nuk mund ta pranojmë këtë lloj qasjeje dashamirëse duke thënë ‘oh, njëri nuk dëshiron të ndalojë dhe as tjetri. Oh jo’. Ju nuk mund të vendosni në të njëjtin nivel agresorin. Kjo është arsyeja pse ne po mbështesim Ukrainën edhe ushtarakisht, duke përfshirë tani tanket, mbrojtjen ajrore dhe madje edhe luftëtarët. Disa shtete anëtare po ofrojnë gjithashtu kapacitete ajrore”, tha Borrell.
