Ushtria ukrainase pretendon se ushtarët e saj kanë rifituar kontrollin e fshatit Blahodatne, i vendosur përgjatë vijës së frontit midis Zaporizhzhia dhe Donetsk në Ukrainën juglindore.
Një video e publikuar nga kanali zyrtar Telegram i Forcave Tokësore të Ukrainës tregon ushtarët e Brigadës 68, duke ngritur flamurin ukrainas nga një ndërtesë në fshat, i cili shtrihet disa kilometra në jug të qytetit të Velyka Novosilka.
Brigada nisi një sulm fillestar në ndërtesën e klubit të fshatit dhe shkollën lokale, tha një zëdhënës i ushtrisë për televizionin ukrainas.
Forcat ruse nuk u dorëzuan kur iu ofrua për ta bërë këtë, tha zëdhënësi, duke çuar në atë që ai e quajti një “pastrim” të ndërtesës së klubit. Gjashtë rusë u kapën pasi Ukraina mori kontrollin e fshatit.
Megjithatë siç shkruan CNN, raportet e fushëbetejës në Ukrainë, nuk mund të verifikoheshin në mënyrë të pavarur.
