Presidenti ukrainas, Volodymy Zelensky kërkoi një ftesë politike për anëtarësimin e Ukrainës në NATO gjatë punimeve të samitit të Aleancës në Vilnius të Lituanisë.
“Ka çdo arsye për t’i bërë një ftesë politike Ukrainës për t’u anëtarësuar në Aleancë”, shkroi ai në Telegram.
Ministri ukrainas i Mbrojtjes, Alexei Reznikov tha javën e kaluar se ai pret që Kievi të marrë një sinjal për anëtarësimin e Ukrainës në NATO në samitin e Vilniusit të 11-12 korrikut.
Zelensky ka kërkuar pranimin e Ukrainës në NATO por gjithashtu ka pranuar se kjo gjë do të jetë e pamundur ndërkohë që lufta me Rusinë vazhdon.
Sot Zelensky tha se Kievi po bën çdo përpjekje “që vendimet e samitit të Vilnius të kenë kuptim të vërtetë”.
