Furnizimi i Shteteve të Bashkuara me municione thërrmuese në Ukrainë si pjesë e një pakete të re ndihme ushtarake është një goditje për mbetjet e marrëdhënieve midis Moskës dhe Uashingtonit, raportoi të enjten media shtetërore ruse TASS, duke cituar ambasadorin rus në SHBA, Anatoly Antonov, përcjell Bota sot.
"Përsa i përket marrëdhënieve ruso-amerikane, sot ato janë praktikisht inekzistente, kanë mbetur vetëm disa thërrime. Sigurisht, sigurimi i municioneve thërrmuese nga amerikanët për Ukrainën konsiderohet një goditje e rëndë për çfarëdo që ka mbetur nga marrëdhëniet ruso-amerikane." tha Antonov, cituar nga TASS.
Antonov gjithashtu e përshkroi vendimin për dorëzimin e municioneve në Ukrainë si një "lëvizje anti-ruse" nën administratën e presidentit amerikan Joe Biden.
Trupat ukrainase kanë filluar të gjuajnë me municione thërrmuese të ofruara nga SHBA si pjesë e kundërofensive të tyre kundër Rusisë, sipas dy zyrtarëve amerikanë dhe një personi tjetër të informuar për këtë çështje.
SHBA njoftoi më 8 korrik se do të dërgonte municionet e diskutueshme dhe ato iu dorëzuan forcave ukrainase rreth një javë më vonë, siç raportoi fillimisht CNN.