Aeroporti i Burgasit në bregun bullgar të Detit të Zi priti të mërkurën pasagjerin e tij të njëmiliontë për vitin 2023.
Yvonne Becker nga Gjermania mbërriti me familjen e saj në një fluturim nga Berlini.
Ajo u prit me një pritje zyrtare nga drejtori i aeroportit Georgi Çipilski, kryeshefi ekzekutiv i “Fraport Bulgaria”, Frank Quante dhe kryetari i bashkisë së Burgasit, Dimitar Nikolov.
Becker, bashkëshorti i saj dhe vajza e tyre e vogël kanë mbetur të befasuar nga ceremonia festive dhe dhuratat që kanë marrë. Ata planifikojnë të kalojnë pushimet e tyre në resortin bregdetar bullgar të Obzorit.
Të ndihmuar nga Chipilski dhe Quante, ata prenë një tortë të përgatitur posaçërisht për këtë rast.
"Ne po kalojmë një sezon të mirë, me trafik ajror më intensiv se vitin e kaluar. Ne presim një rritje prej 10% gjatë sezonit. Nuk ka pasur ndryshime të mëdha në tregjet tradicionale të Bullgarisë. Polonia, Mbretëria e Bashkuar, Çekia, Izraeli dhe Sllovakia janë tregjet kryesore burimore sërish këtë vit. Deri më tani, tregu polak tregon një rritje prej 10% krahasuar me vitin 2022. Gjithashtu është rritur për 16% krahasuar me vitin 2019. Kemi më pak fluturime nga Gjermania sesa prisnim, por prapë udhëtimet nga Gjermania janë rritur. Kemi pasur më shumë rezervime të hershme, sezoni ka nisur mirë, por ka pasur disa vështirësi. Gjithsesi, numri i pasagjerëve nga janari deri në korrik është rritur me 13%.”, tha Chipilski.
Fluturimet që do të bëhen nga Aeroporti i Burgasit në shtator dhe tetor pritet të rriten deri në 40%.
Quante, kompania e të cilit operon aeroportet bregdetare në Burgas dhe Varna nën një kontratë koncesioni tha se do të punojnë për të rritur trafikun dimëror në Burgas, i cili nuk ishte aq i mirë sa Varna dimrin e kaluar./Kp
Nikolov vuri në dukje se Burgasi po kompenson një fillim të ngadaltë të sezonit turistik.
"Të gjitha lajmet e rreme rreth ndotjes në Detin e Zi patën një efekt negativ. Por, sigurisht nuk ka asnjë arsye për t'u shqetësuar", tha ai.
