Sistemet ruse të mbrojtjes ajrore rrëzuan tre dronë ukrainas mbi territorin rus, tha ministria e mbrojtjes në Moskë, përcjell Bota sot.
Dy drone u rrëzuan mbi rajonin rus Bryansk që kufizohet me Ukrainën dhe një i tretë u rrëzua mbi rajonin Kaluga që është më afër Moskës, tha ministria herët të enjten.
Nuk pati raportime fillestare për viktima apo dëme në infrastrukturë dhe pronë.
Ukraina ka kryer bastisje thuajse ditore me drone në territorin rus gjatë javës së kaluar, veçanërisht tentativa për sulme në kryeqytetin Moskë.
