Banorët në Madrid u udhëzuan nga autoritetet e qytetit të qëndrojnë brenda të dielën me stuhinë Dana që do të godasë kryeqytetin spanjoll.
Agjencia shtetërore meteorologjike AEMET ka lëshuar një paralajmërim për Madridin, Toledon dhe Kadizin, ku Dana pritet të sjellë reshje të forta shiu, shkruajnë mediat e huaja.
Sipas AEMET, deri në 120 litra për metër katror shi mund të bien mbi Madrid në 12 orë.
Valencia, në bregdetin e Mesdheut, ka parë tashmë reshje intensive, tha AEMAT.
Kryetari i bashkisë së Madridit, José Luis Martínez-Almeida këshilloi banorët të qëndrojnë në shtëpitë e tyre, duke e quajtur atë që do të vinte një “situatë të jashtëzakonshme”.
“Për shkak të situatës së jashtëzakonshme dhe jonormale, në të cilën do të thyhen rekordet e reshjeve, kërkoj nga madrilenët të qëndrojnë në shtëpi sot”, shkroi Martinez-Almeida në X, dikur Twitter.
Shërbimet e urgjencës të Madridit u dërguan mesazhe banorëve duke i paralajmëruar për rreziqet e përmbytjeve dhe duke i këshilluar që të mos përdorin automjete.
Atletico Madrid shkroi në X se ndeshja e futbollit në La Liga kundër Sevillas ishte shtyrë gjithashtu për shkak të stuhisë.
