Sekretari amerikan i Shtetit Antony Blinken shprehu mirënjohjen për diplomatët në Ukrainë ndërsa foli me stafin e ambasadës amerikane në Kiev gjatë vizitës së tij të në Ukrainë.
Blinken pranoi sfidat, si logjistike ashtu edhe emocionale me të cilat po përballen çdo ditë diplomatët dhe stafi lokal ukrainas që punon në ambasadë.
“E di që shumë prej jush kanë humbur miq, të dashur, të tjerë i kanë parë komunitetet tuaja të shkatërruara. 20 anëtarë të familjes sonë të ambasadës po shërbejnë me guxim në forcat e armatosura të Ukrainës dhe ne përshëndesim shërbimin e tyre dhe guximin e tyre”, tha Blinken.
Blinken falënderoi diplomatët që punuan për organizimin e vizitës së tij dhe vizitat e zyrtarëve të tjerë amerikanë.
“Unë thjesht dua t’ju them se sa mirënjohës jam për këtë punë. Çdo vizitë në çdo ambasadë është sfiduese dhe e ndërlikuar. Për ta bërë këtë këtu, në mes të një lufte, shton kompleksitetin,” tha ai.
Blinken tha se kishte një shans për t’u takuar me udhëheqjen e lartë në ambasadë më herët gjatë ditës. Ai u prezantua nga ambasadorja e SHBA në Ukrainë Bridget Brink.
“Prania e Sekretarit Blinken këtu në Kiev, dhe vizitat e tij të shumta më parë, janë dëshmi se ai është fjalë për fjalë këtu me ne në këtë luftë,” tha Brink.
