Mediat e Koresë së Jugut kanë raportuar se lideri i Koresë së Veriut Kim Jong-un është nisur për në Rusi për t’u takuar me presidentin rus Vladimir Putin.
Duke cituar burime të paidentifikuara të qeverisë së Koresë së Jugut, gazeta Chosun Ilbo raportoi se treni është nisur të dielën nga kryeqyteti i Koresë së Veriut, Pheniani dhe pritet të takohet me Putinin të martën.
Agjencia e lajmeve Yonhap dhe disa media të tjera kanë publikuar një raport të ngjashëm. Kjo do të ishte vizita e dytë e liderit në Rusi. Ai vizitoi më parë vendin në vitin 2019, duke mbërritur në stacionin Khasan dhe më pas vizitoi Vladivostok.
Shtetet e Bashkuara e kanë akuzuar Korenë e Veriut që nga viti i kaluar se i ka ofruar armë Rusisë, duke përfshirë predha artilerie që i janë shitur grupit mercenar rus Wagner.
Zyrtarët rusë dhe koreano-veriorë i kanë mohuar pretendime të tilla.
