Të paktën 56 persona kanë vdekur dhe dhjetëra janë plagosur në një zjarr të madh në një bllok apartamentesh në kryeqytetin e Vietnamit, Hanoi.
Rreth 37 persona u plagosën nga zjarri, tha policia, duke shtuar se 39 viktima janë identifikuar.
Zjarri i cili shpërtheu gjatë natës është shuar, por operacionet e shpëtimit po vazhdojnë.
Autoritetet në Hanoi me rritje të shpejtë thonë se shumë apartamente të sapondërtuara nuk përmbushin rregullat e sigurisë nga zjarri.
Popullsia e qytetit është katërfishuar në 5.25 milionë në 20 vitet e fundit.
Shkaku i zjarrit po hetohet, por dëshmitarët thanë se ai filloi në katin e parkimit të pallatit, i cili ishte i mbushur me motoçikleta.
Banorët përshkruan se kishin dëgjuar një zhurmë të fortë rreth orës 23:00 me kohën lokale të martën (16:00 GMT) dhe më pas panë tym të zi që ngrihej nëpër ndërtesë.
Një familje tha se duhej të shpëtonin duke thyer parmakët metalikë që bllokonin dritaren e tyre dhe duke vendosur një shkallë në një ndërtesë ngjitur.
“Dëgjova shumë britma për ndihmë. Ne nuk mund t’i ndihmonim ,” i tha agjencisë së lajmeve AFP, Hoa, një grua që jeton aty pranë. “Banesa është aq e mbyllur pa rrugë shpëtimi, e pamundur që viktimat të dalin jashtë”.
Një tjetër dëshmitare pa një djalë të vogël të hidhet nga një kat i lartë për ta ndihmuar atë të shpëtonte nga flakët, raporton AFP.
“Tymi ishte kudo. Nuk e di nëse ai mbijetoi apo jo edhe pse njerëzit përdorën një dyshek për ta kapur,” tha ajo.
Pesëmbëdhjetë makina zjarrfikëse u dërguan për të ndihmuar, por nuk mundën t’i afroheshin pallatit të djegur, sepse rrugica ku ndodhej ishte shumë e ngushtë.
Zjarri nxjerr në pah sfidat e menaxhimit të sigurisë nga zjarri në qytetet e rajonit me rritje të shpejtë dhe të rregulluara dobët.
Një vit më parë, 33 persona humbën jetën në një zjarr në një klub karaoke në Vietnamin jugor, ku dritaret ishin grimcuar, duke bllokuar arratisjen.
Ka pasur shumë tragjedi të ngjashme në vende të tjera të Azisë Juglindore si Tajlanda, ku rregulloret më pas u gjetën ose të papërshtatshme, ose në shumë raste thjesht të pazbatuara.
