Mes Ukrainës dhe Polonis janë "ftohur" marrëdhëniet.
Ministria e Jashtme e Polonisë ka thirrur ambasadorin ukrainas për një notë proteste mbi komentet e bëra ditën e djeshme nga Volodymyr Zelensky në Asamblenë e Përgjithshme të OKB-së.
Ministria e Jashtme tha se përcolli “protestën e fortë” të palës polake kundër deklaratave të Zelensky “duke pretenduar se disa vende të BE-së shtiren solidaritet ndërsa indirekt mbështesin Rusinë”.
Në fjalimin e djeshëm, Zelensky tha se “teatri politik” rreth importeve të drithërave, të cilat Polonia, Hungaria dhe Sllovakia e kanë ndaluar nga Ukraina, vetëm po ndihmon Moskën.
