Sekretari i Përgjithshëm i Kombeve të Bashkuara, António Guterres, lëshoi një paralajmërim të ashpër ndërsa mblodhi liderët botërorë për një samit të nivelit të lartë mbi krizën klimatike.
Kështu, siç kanë thënë mediat e huaja, përcjell Telegrafi, ai ka vlerësuar se “Njerëzimi ka hapur portat e ferrit”.
“Nxehtësia e tmerrshme ka efekte të tmerrshme. Fermerët e shqetësuar duke parë të korrat e rrëmbyera nga përmbytjet. Temperaturat e rënduara shkaktojnë sëmundje”, tha ai në një fjalim për hapjen e Samitit të Ambicieve Klimatike, që po zhvillohet së bashku me Asamblenë e Përgjithshme të OKB-së në Nju Jork.
A ka paralajmëruar se nëse asgjë nuk ndryshon, ne po shkojmë “drejt një bote të rrezikshme dhe të paqëndrueshme”.
Konferenca njëditore – e cila vjen ndërsa bota po përballet me përmbytjet dhe zjarret shkatërruese – ka për qëllim të ndërtojë vullnetin global drejt uljes së ndotjes nga ngrohja e planetit përpara samitit të klimës COP28 të OKB-së në Dubai në dhjetor.
