Presidentja e Komisionit Evropian Ursula von der Leyen ka deklaruar se sulmi i kryer nga grupi Hamas kundër civilëve në Izrael ishte një “akt terrori” dhe pasqyronte “një të keqe të lashtë”.
“Në agimin e Shabatit, të shtunën e kaluar, e gjithë bota u zgjua nga tmerri. Qindra njerëz të pafajshëm u vranë me gjakftohtësi,” tha von der Leyen të mërkurën në takimin javor të komisionerëve evropianë në Bruksel.
“Këta të pafajshëm u vranë për një arsye të vetme. Për të qenë hebrenj dhe duke jetuar në shtetin e Izraelit. Është një e keqe e lashtë, e cila na kujton të kaluarën më të errët dhe na trondit të gjithëve deri në palcë,” tha ajo, duke theksuar se ” ne duhet të jemi të qartë në përcaktimin e këtij lloji tmerri. Është terrorizëm dhe është një akt lufte”, shkruan CNN.
I ftuar në takim ishte ambasadori i Izraelit në BE dhe NATO, Haim Regev.
Izraeli pohon se Hamasi është një organizatë e dhunshme terroriste, ndërsa Hamasi thotë se ata përfaqësojnë një popull shtypës që është viktimizuar nga shteti hebre.