LIVE: Ngrihen pikëpyetje mbi përfshirjen e Hezbollahut në luftë me Izraelin – Netanyahu flet për ‘dështimin’ ndaj Hamasit

Joe Biden thotë se ai mendon se duhet të ketë një "pauzë" humanitare në luftën Izrael-Hamas për të nxjerrë "të burgosurit" jashtë.

Presidenti po fliste në një mbledhje fondesh për fushatën e tij të rizgjedhjes kur një protestues e ndërpreu atë, duke bërë thirrje për një armëpushim.

"Unë mendoj se ne kemi nevojë për një pauzë," tha zoti Biden në përgjigje.

"Një pauzë do të thotë t'i jepet kohë për të nxjerrë të burgosurit."

Një pauzë humanitare është rekomanduar nga SHBA në Kombet e Bashkuara dhe është mbështetur nga Britania dhe Kanadaja, ndër vendet e tjera

Disa vende të Amerikës Latine kanë dënuar sulmet e Izraelit në Rripin e Gazës.

Argjentina, shtëpia e komunitetit më të madh hebre të Amerikës Latine, Peruja dhe Meksika, të gjitha sulmuan aksionin izraelit.

Kritikat vijnë një ditë pasi Bolivia ndërpreu marrëdhëniet diplomatike me Jerusalemin për bombardimet dhe rrethimin e Gazës, ndërsa Kolumbia dhe Kili tërhoqën ambasadorët e tyre në vend.

“Peruja dënon dhe do të vazhdojë të dënojë dhunën nga kudo që vjen”, tha në një deklaratë ministria e jashtme e Limës.

Diplomati meksikan Alicia Buenrostro, duke folur në një seancë të posaçme të OKB-së për Gazën, bëri thirrje që "fuqia pushtuese" e Izraelit të pushojë pretendimin e saj ndaj territoreve palestineze, duke argumentuar për një zgjidhje me dy shtete.

"Kjo duhet të ndalet," tha ajo, duke shtuar se Meksika do të rrisë ndihmën e saj për refugjatët palestinezë.

"Situata humanitare në Gaza çdo ditë është më alarmante," tha gjithashtu Ministria e Jashtme e Argjentinës, duke i kërkuar Izraelit të lejojë ndihmat në rrip.

Të tre vendet bënë thirrje për lirimin e pengjeve të kapur nga Hamasi.

Si Argjentina ashtu edhe Peruja kanë thënë se bashkëqytetarët e vendeve të tyre janë vrarë në konflikt, ndërsa Meksika thotë se ka bashkështetas në mesin e të rrëmbyerve.

Ushtria izraelite thotë se një ushtar nga Batalioni 7007 i Këmbësorisë është vrarë në Gazën veriore në një përleshje zjarri me grupet e armatosura palestineze.

Vdekja e çon në 17 numrin e ushtarëve izraelitë të vrarë që kur forcat e tij të armatosura filluan një ofensivë tokësore brenda Gazës disa ditë më parë.

Brigadat Qassam kanë pretenduar se luftëtarët e saj kanë shënjestruar të paktën dy tanke dhe buldozerë izraelitë në zonën veriperëndimore të Rripit të Gazës.

Grupi tha në një deklaratë për Al Jazeera Arabic se qëlloi predha antitank "Al-Yassin 105" dhe goditi objektivat e tij. Nuk pati raportime të menjëhershme për viktima.

Më herët, ne raportuam për "përleshje të dhunshme" që shpërthyen midis luftëtarëve palestinezë dhe forcave izraelite në veriperëndim të qytetit të Gazës.

Bombardime të rënda izraelite u raportuan gjithashtu në zonë para agimit të së enjtes.

Një raport që citon zyrtarët amerikanë thotë se Joe Biden beson se Benjamin Netanyahu i ka ditët e numëruara si kryeministër i Izraelit.

Presidenti amerikan thuhet se ka shkuar aq larg sa i ka sugjeruar kryeministri izraelit që të nis të mendojë se çfarë informacionesh dhe mësimesh do të ndan me pasardhësin e tij të mundshëm, citon gazeta Politico dy zyrtarë të administratës amerikane.

“Do të duhet të ketë një llogari brenda shoqërisë izraelite për atë që ndodhi”, ka thënë një zyrtar anonim për gazetën.

“Në fund të fundit, përgjegjësia përfundon në tavolinën e kryeministrit”, thuhet të ketë thënë Biden.

Pas pikëpamjes së administratës për Netanyahun qëndron besimi se ai është dobësuar ndjeshëm nga zemërimi i izraelitëve për dështimin e sektorëve të sigurisë dhe inteligjencës së vendit të tyre për të parandaluar sulmin e 7 tetorit të Hamasit, i cili vrau rreth 1400 njerëz.

Kundërshtimi në rritje ndërkombëtar ndaj fushatës aktuale ushtarake izraelite në Gaza – e cila ka vrarë mijëra civilë palestinezë – e ka tronditur më tej pozitën e tij.

Administrata Bidenit ka frikë se Netanyahu mund ta lidh të ardhmen e tij politike me luftën dhe në një moment mund të lëvizë për të përshkallëzuar konfliktin përtej Rripit të Gazës.