Ukraina tha të dielën se forcat ruse po përdornin terminalet e shërbimit satelitor të internetit të Elon Musk “Starlink” në zonat e pushtuara.
Sistemet “Starlink” kanë qenë jetike për komunikimet në fushën e betejës së Ukrainës gjatë gjithë pushtimit gati dyvjeçar të Rusisë, pasi Kievi është përballur me një ushtri më të madhe dhe më të pajisur.
Drejtoria kryesore e Inteligjencës e ministrisë së mbrojtjes postoi një videoklip me audio në Telegram, ku tha se shfaqeshin trupa nga Brigada e 83-të e Sulmimit Ajror të Rusisë duke diskutuar për ngritjen e terminaleve në Ukrainën lindore.
Drejtoria nuk dha detaje në lidhje me shkallën e supozuar të përdorimit, apo se si janë marrë terminalet. Zëdhënësi Andriy Yusov tha për mediat ukrainase të shtunën se çështja “ka filluar të marrë një natyrë sistematike”.
Ministria ruse e mbrojtjes nuk iu përgjigj menjëherë një kërkese të Reuters për koment, transmeton Klankosova.tv.
SpaceX, e cila drejton terminalet Starlink, tha në një deklaratë në X javën e kaluar se “nuk bën biznes të asnjë lloji me qeverinë ruse ose ushtrinë e saj” dhe se shërbimi i saj nuk funksionon në Rusi.
