Presidenti Biden i kërkon kryeministrit izraelit që të mbrojë të zhvendosurit në Rafah

Bota

Presidenti Biden i kërkon kryeministrit izraelit që të mbrojë të zhvendosurit në Rafah

Më: 11 shkurt 2024 Në ora: 20:15
Joe Biden

Presidenti i Shteteve të Bashkuara Joe Biden i tha kryeministrit Benjamin Netanyahu të dielën se Izraeli nuk duhet të nisë zbatimin e një operacioni ushtarak në Rafah pa një plan për të garantuar sigurinë e rreth 1 milion njerëzve të strehuar atje, tha Shtëpia e Bardhë.

Telefonata e Preidentit Biden me kryeministrin Netanyahu u zhvillua disa ditë pasi udhëheqësi amerikan u tha gazetarëve se ndërhyrja e Izraelit në Rripin e Gazës ishte "e tepruar”.

Shtëpia e Bardhë tha se biseda telefonike u përqëndrua gjithashtu në përpjekjet e vazhdueshme për të bërë të mundur lirimin e pengjeve të marra nga grupi Hamas gjatë sulmit të 7 tetorit ndaj Izraelit.

Agjencitë e ndihmave thonë se një ndërhyrje në Rafah do të ishte katastrofike./VOA

commentFirst article
Sot mund të lexoni Shfletoni kopertinat