Lidhjet mes Kinës dhe Francës janë një shembull i bashkëjetesës paqësore dhe bashkëpunimit midis vendeve me sisteme të ndryshme, tha sot presidenti kinez Xi Jinping gjatë vizitës në Francë për të shënuar 60-vjetorin e marrëdhënieve bilaterale diplomatike.
Zhvillimi i marrëdhënieve midis dy vendeve sjell "stabilitet dhe energji pozitive në një botë të trazuar", tha Xi, i cili po viziton Evropën për herë të parë në pesë vjet dhe sot ka mbërritur në Paris, ku u takua me kryeministrin francez.
Në vazhdim të vizitës të hënën, ai do të takohet me homologun francez Emmanuel Macron, i cili synon të angazhohet në "reciprocitet" tregtar dhe të kërkojë një zgjidhje për luftën në Ukrainë, duke qenë se presidenti kinez vazhdon të tregojë mbështetje për Rusinë.
Presidentja e Komisionit Evropian Ursula von der Leyen do t'i bashkohet bisedimeve mes Xi dhe Macron në Pallatin Elysee të hënën. Kreu i superfuqisë aziatike donte që kjo vizitë në Evropë, e para nga 2019, “të respektonte ekuilibrin diplomatik.”
Pas vizitës shtetërore në Francë, presidenti kinez do të vizitojë Serbinë dhe Hungarinë, dy vende që kanë mbetur afër Moskës.
